काठमाडौं, २० माघ । गण्डकी प्रदेशअन्तर्गत मनाङ जिल्लालाई केन्द्रबिन्दु बनाएर मंगलबार राति ५.३ रेक्टरस्केलको भूकम्प गएको छ ।

भूकम्पको केन्द्रबिन्दु मनाङको नार आसपासमा रहेको भूकम्प मापन केन्द्रले जानकारी दिएको छ । मंगलबार राति ९ बजेर ५९ मिनेटमा उक्त भूकम्पको धक्का महशुस गरिएको केन्द्रको भनाइ छ ।

उक्त भूकम्पको धक्का मनाङ आसपासका जिल्ला तथा काठमाडौमा समेत गरिएको थियो । धक्कालगत्तै काठमाडौं, ललितपुर, भक्तपुर, धादिङ, तनहुँ, गोरखा, कास्की लगायत जिल्लाका स्थानीयहरूले सामाजिक सञ्जालमा भूकम्पको धक्का महसुस गरेको उल्लेख गरेका छन् ।

यसअघि माघ १९ गते सोमबार बिहान २:३४ बजे बझाङको गडराय आसपास केन्द्र भएर भूकम्पको धक्का महसुस गरिएको थियो । उक्त भूकम्प ३.७ रेक्टर स्केलको रहेको थियो ।

क्याटेगोरी : समाचार
ट्याग : #भूकम्प

---

---

---