ओली र प्रचण्ड–नेपाल समूहबीच झडप हुँदा वडाध्यक्ष घाइते

साझापाना २०७७ माघ ५ गते १२:४७ मा प्रकाशित

हुम्लामा नेकपाको ओली र प्रचण्ड–नेपाल समूहबीच झडप हुँदा जननिर्वाचित वडाध्यक्ष सख्त घाइते भएका छन् ।

झडपमा अदानचुली गाउँपालिका–१ का वडाध्यक्ष रंग थापा घाइते भएका हुन् । वडा नम्बर १ को कल्ख्यामा नेकपाको ओली पक्षले वडा कमिटी गठन गरेर फर्कने क्रममा बाटोमा प्रचण्ड–माधव पक्षका कार्यकर्ताहरुले ढुङ्गामुढा गर्दा वडाध्यक्ष थापा घाइते भएको बताइएको छ ।

थापाको टाउको तथा मुखमा चोट लागेको छ । स्थानीय स्वास्थ्य चौकीमा अध्यक्ष थापालाई ६ वटा टाँका लगाइएको छ ।

पूर्व माओवादीका तर्फबाट वडा अध्यक्ष थापा निर्वाचित थापा अहिले ओली समूहमा लागेका छन् ।

क्याटेगोरी : समाचार
ट्याग : #वडाध्यक्ष घाइते