माडीका प्रहरी प्रमुख झलकको एक्सन: भन्सार छली औषधी सहित ८ जना पक्राउ

प्रनिश थापा चितवन संवाददाता २०७७ मंसीर ३० गते २०:५२ मा प्रकाशित

चितवन । चितवनमा भन्सार छली ल्याउँदै गरेको करीब ३१ लाख मूल्य बराबरको औषधी सहित ८ जनालाई माडी प्रहरीले पक्राउ गरेको छ । इलाका प्रहरी कार्यालय माडीका प्रहरी निरीक्षक झलक शर्माको कमान्डमा खटिएको प्रहरीको टोलीले आज बिहान ८:४० बजे माडी नगरपालिका वडा नं.९ सोमेश्वरमा ठोरीबाट माडी तर्फ आउँदै गरेको ना ४ ख ४४२५ नम्बरको सार्वजनिक यातायात रोकेर चेकजाँच गर्ने क्रम्मा नेपाल भित्र्याइएको विभिन्न १२ थरीका औषधीसहित ८ जनालाई पक्राउ गरेको हो ।

सो गाडीमा सवार राजकुमार महतोले गाडीको पछाडी डिक्कीमा बोरामा राखी ल्याएको अवस्थामा बिभिन्न किसिमका औषधीहरू फेला पारी बरामद गरेको थियो । अनुसन्धानको क्रममा माडी ३ बस्ने बालकृष्ण महतो र मिलन महतोको घरमा लुकाईराखेको अवस्थामा बिभिन्न किसिमका थप औषधीहरू फेला पारी बरामद गरिएको हो ।

पक्राउ पर्नेहरुमा कालिका नगरपालिका वडा नं.४ बस्ने बर्ष २८ को राज कुमार महतो, माडी नगरपालिका वडा नं.३ बघौडा बस्ने बर्ष २२ को बालकृष्ण महतो र बर्ष २२ कै मिलन महतो, कालिका नगरपालिका वडा नं.३ बस्ने बर्ष ३१ को हरिशरण चौधरी, मकवानपुर गढी गाउँपालिका वडा नं.८ बस्ने बर्ष २५ को सुरज गौतम, वडा नं.३ बस्ने बर्ष २३ को प्रकाश दाहाल, हेटौडा उपमहानगरपालिका वडा नं.५ बस्ने बर्ष २५ को उज्वल पोख्रेल, हेटौंडा उपमहानगरपालिका वडा नं.२३ बस्ने बर्ष २३ को बिपिन सापकोटा रहेका छन् । उनीहरु सबै बिद्याथी हुन् ।

पक्राउ परेकाहरुलाइ आवश्यक अनुसन्धान तथा कारबाहीको लागी औषधी व्यवस्था बिभागसंग समन्वय भईहेको प्रहरीले जनाएको छ । उक्त औषधिहरु नेपालमा प्रतिबन्धित नेट ओर्किङ बिजनेशमार्फत सर्बसाधारणलाई ठगी गर्ने गरी बिक्रिवितरण गर्नको लागी ल्याईएको हुन सक्ने प्रहरीको प्रारम्भिक अनुसन्धानले देखाएको छ ।