किरात राई यायोक्खा खोटाङले प्रदेश नम्बर १ का प्रमुखसमक्ष प्रदेशको नाम किराँत राख्न माग गरेको छ । प्रदेशको नामकरणका विषय टुंगो लगाउने समय नजिकिँदै गर्दा किरात राई यायोक्खा खोटाङले प्रमुख जिल्ला अधिकारी सुरेन्द्र पौडेलमार्फत बुधबार प्रदेश प्रमुखलाई अवधारणापत्र पठाएको हा े। यायोक्खाले ऐतिहासिक भूगोल, भाषा, संस्कृति, सभ्यता, आदिम थातथलो र साझा पहिचानका आधारमा प्रदेशको नाम किरात राख्नु सबैभन्दा उत्तम विकल्प भएको दाबी गरेको छ । प्रदेशको नाम किरात राख्न उपयुक्त हुने ६ वटा आधार उल्लेख भएको अवधारणा पत्र यायोक्खा खोटाङकी अध्यक्ष अञ्जना राईले प्रमुख जिल्ला अधिकारी पौडेलमार्फत प्रदेश प्रमुख समक्ष पठाएकी हुन् ।प्रदेशको नाम किरात राख्ने आधारका बारेमा यायोक्खाले जिल्ला समन्वय समितिका प्रमुख बबी चामलिङलाई बोधार्थ दिएको छ । किरात राई यायोक्खा खोटाङले प्रदेश नम्बर १ को नाम किरात प्रदेश राख्नुपर्ने पक्षमा गत चैतमाा जिल्लामा हस्ताक्षर अभियान पनि चलाएको थियो ।

थप समाचार

भानुभक्त मेमोरियलमा ३ बालिकालाई छात्रवृत्ति, पूर्व विद्यार्थी समाज र नेपाल…

एक महिनामै डिजेल ६६ र पेट्रोलको मूल्य ४० प्रतिशतले बढ्यो

बँदेल भनेर हानेको गोली लागेर किशोरको मृत्यु, किशोरी घाइते

तारकेश्वर डाँडागाउँ दुर्घटनामा ट्राफिक इन्स्पेक्टर अभय लामाको उपचारका क्रममा निधन