काठमाडौं, कात्तिक १२ । पशुपतिनाथ मन्दिरका भण्डारी केदारनाथ भण्डारीलाई प्रहरीले पक्राउ गरेको छ ।

महानगरीय प्रहरी परिसर काठमाडौंले पशुपतिनाथ सेवक संघका अध्यक्षसमेत रहनुभएका पशुपतिनाथ मन्दिरका तालुकवाला भण्डारी केदारनाथलाई प्रकाउ गरेको हो । भण्डारीलाई गुहेश्वरी मन्दिर परिसरबाट आज साइबर क्राइमको अभियोगमा पक्राउ गरिएको प्रहरीले जनाएको छ । भण्डारीले पशुपति क्षेत्र विकास कोषका कोषाध्यक्ष डा. मिलनकुमार थापालाई सामाजिक संजालमा गालीगलौज गर्नुका साथै फेसबुकमा थापाको फोटोमा कालोमोसो दलेको पाइएपछि प्रहरीले पक्राउ गरेको हो ।

गुहेश्वरी मन्दिरको गर्भगृहमा रहेका अष्टदल र भैरवको सुनको मूर्ति २० वर्षको अवधिमा २ किलो भन्दा बढी खिइएको समाचार प्रकाशित भएपछि भण्डारीले थापाविरुद्ध बोलेको भिडियो सामाजिक संजालमा पोस्ट गर्नुभएको थियो । सामाजिक सञ्जालमा जथाभावी गालीगलौज गरेपछि प्रहरीले पक्राउ गरी अनुसन्धान अघि बढाएको छ ।

क्याटेगोरी : समाचार
ट्याग : #breaking, #पशुपतिनाथ मन्दिरका भण्डारी पक्राउ

---

---

---