तारकेश्वर नगरपालिकाको १७ करोड लगानीमा प्रशासनिक भवन बन्ने

साझापाना २०७७ कात्तिक ४ गते ०८:१५ मा प्रकाशित

काठमाडौं । तारकेश्वर नगरपालिकामा अत्याधुनिक नगर प्रशासनिक भवन बन्ने भएको छ । नगरपालिकाको प्रमुख प्रशासकिय अधिकृत शिव लम्सालले ३० महिनाभित्र काम सम्पन्न गर्ने गरी ठेकेदारसँग असोज २९ गते सम्झौता गरेका छन् ।

तारकेश्वर नगरपालिकाको गौरवको योजना अन्तर्गत १७ करोड लगानीमा प्रशासनिक भवन बन्न लागेको छ । भवन निर्माणको लागि जिल्ला समन्वय समितिबाट ६० प्रतिशत र नपुग ४० प्रतिशत रकम तारकेश्वर नगरपालिकाले व्यहोर्ने शर्तमा भवन निर्माण हुनेछ ।

दशैँ लगत्तै जिल्ला समन्वय समितिसँग ६० प्रतिशत रकम सम्झौता हुन लागेको तारकेश्वर नगर पालिकाको प्रमुख प्रशासकिय अधिकृत शिव प्रसाद लम्सालले बताउनुभयो । काठमाडौंको अन्य नगरपालिकाहरुमा केहीको भवन निर्माण भइसकेको छ भने केहीले सम्झौता गरेर काम सुरु गरेका छन् ।

क्याटेगोरी : समाचार
ट्याग : #तारकेश्वर नगरपालिका, #प्रशासनिक भवन