चितवन । बाघको आक्रमणबाट चितवनमा एक जनाको मृत्यु भएको छ । चितवन राष्ट्रिय निकुञ्जको आडैमा रहेको बेलसहर मध्यवर्ती सामुदायिक वनमा शनिबार बिहान सवा दस बजे घाँस काट्न गएका भरतपुर महानगरपालिका १३ का ६५ वर्षीया जगदिश चौधरीलाई बाघले आक्रमण गरेर ज्यान लिएको चितवन राष्ट्रिय निकुञ्जका सूचना अधिकारी रहेका सहायक संरक्षण अधिकृत अशोक रामले जानकारी दिए ।

यस अघि गत भाद्र २२ गते बाघले आक्रमण गर्दा सोही ठाउँका ६० वर्षीय बाबुराम महतोको मृत्यु भएको थियो । उनी बाटुलीपोखरी वनमा घाँस काट्न गएका थिए । अघिल्लो आर्थिक वर्षमा चितवन राष्ट्रिय निकुञ्जको मध्यवर्ती क्षेत्रमा वन्यजन्तुले आक्रमण गर्दा पाँच जनाको मृत्यु भइसकेको छ ।

थप समाचार

सरकारको १०० दिन : सय बुँदे बाचापत्रभित्र दर्जनौँ प्रश्नहरु

भारतीय प्रधानमन्त्री मोदीलाई ज्यान मार्ने धम्की

महोत्तरीकी प्रतिभा प्रतिष्ठा आचार्य मिस नेपालको अन्तिम २४ मा

शिक्षामन्त्री सस्मितको सल्लाहकारमा अमेरिकी विदेश मन्त्रालयको फेलो शैलेन्द्र झा