चितवनमा कोरोना संक्रमित थप एक जनाको मृत्यु

चितवन । कोरोना संक्रमणबाट चितवनमा थप एक जनाको मृत्यु भएको छ । निमोनिया भएर गत, भदौ ४ गते चितवन मेडिकल कलेजमा भर्ना भएका नवलपरासी (बर्दघाट सुस्ता पूर्व), विनयी त्रिवेणी गाउँपालिका ६ का ६२ वर्षीया एक पुरुषको आज साँझ ५ः५० बजे निधन भएको चितवन मेडिकल कलेजका निर्देशक डा. दयाराम लम्सालले जानकारी दिए । ती पुरुषलाई सघन उपचार कक्षमा भेन्टिलेटरको सहायताबाट उपचार गरिएको थियो ।

आज शनिबार बिहान मात्रै चितवन मेडिकल कलेजमै बारा निजगढकी एक महिलाको समेत कोरोना सङ्क्रमणबाट मृत्यु भएको थियो । चितवनमा हाल कोरोना संक्रमणबाट मृत्यु हुनेको संख्या ११ पुगेको छ भने संक्रमितको संख्या ५९८ पुगेको छ ।