तारकेश्वर कांग्रेस अधिवेशन: तिमिल्सिना–खड्गी समूहको क्लिन स्विप,सभापतिमा प्यानलैसहित श्याम सापकोटा विजयी

साझा पाना २०८३ असोज ८ गते १७:३४ मा प्रकाशित

काठमाडौँ । नेपाली कांग्रेसको १५औँ महाधिवेशनअन्तर्गत तारकेश्वर नगर अधिवेशनबाट श्यामकृष्ण सापकोटा नगर सभापतिमा निर्वाचित भएका छन्। सापकोटासहित उनको सिङ्गो प्यानलले नै नगर कार्यसमितिका प्रमुख पदहरूमा विजय हासिल गरेको हो।

सभापति पदमा सापकोटाले १९५ मत प्राप्त गर्दै प्रतिस्पर्धी निर्मल कुमार लामालाई ६५ मतको अन्तरले पराजित गरे। काठमाडौँ जिल्ला सदस्य रहेका लामाले १३० मत प्राप्त गरेका छन्। सापकोटा तारकेश्वर नगरपालिका वडा नं. ८ का वडा अध्यक्षसमेत हुन्।

उनी नेपाली कांग्रेस काठमाडौँ क्षेत्र नं. ६ का क्षेत्रीय सभापति श्यामकृष्ण खड्गी र प्रदेशसभा ‘ख’का सभापति विष्णुभक्त तिमिल्सिना समूहबाट उम्मेदवार बनेका थिए। यो परिणामले तारकेश्वर कांग्रेसमा खड्गी–तिमिल्सिना समूहको बलियो प्रभावलाई पुनः पुष्टि गरेको छ।

पदाधिकारीहरूमा सापकोटा प्यानलको वर्चस्व

उपसभापति: शिवप्रसाद अर्याल (१७४ मत) — प्रतिस्पर्धी सानुकाजी महर्जन (१५० मत)
महिला उपसभापति: सगुना खत्री (१८० मत) — प्रतिस्पर्धी शारदा खनाल (१२२ मत)
सचिव: राधेश्याम फुयाल (१७२ मत) — प्रतिस्पर्धी सबिना परियार (१४८ मत)
सहसचिव: समित केसी (१८३ मत) — प्रतिस्पर्धी विकास कोइराला (१२४ मत)