अछाम । आगामी मंसिर ४ गते हुने प्रदेश सभाको निर्वाचनका लागि नेकपा एमाले अछामले उम्मेदवारको नाम सिफारिस गरेको छ। नेकपा एमालेले प्रदेश सभाका लागि अछामका चारवटा प्रदेश सभा निर्वाचन क्षेत्रबाट १९ जनाको नाम सिफारिस गरिएको हो।

नेपाल कम्यूनिष्ट पार्टी एमाले निर्वाचन क्षेत्र समन्वय समितिका बैठकहरूले उम्मेदवारको नाम सिफारिस गरेको हो। प्रदेश सभाका लागि अछामको निर्वाचन क्षेत्र नम्बर १ को क र ख बाट ४र४ जनाको नाम सिफारिस गरिएको छ। निर्वाचन क्षेत्र नम्बर १ को (क) बाट प्रकाश शाह, देव बहादुर कुँवर, देव बहादुर साउँद र सीता कुँवरको नाम सिफारिस गरिएको छ। यस्तै

अछाम निर्वाचन क्षेत्र नम्बर १ को (ख) बाट कृष्ण प्रसाद जैशी, केशर बहादुर साउँद, डिबि साउँद र पद्मा तिमिल्सिना न्यौपाने नाम सिफारिस गरिएको छ। यस्तै निर्वाचन क्षेत्र नम्बर २ को (क) बाट ७ जना र (ख) बाट ८ जना गरी १५ जनाको नाम सिफारिस गरिएको छ।

निर्वाचन क्षेत्र नम्बर २ को (क) बाट प्रदेश अन्तर्गत प्रत्यक्ष तर्फ बम बहादुर बिसी, भीम बहादुर बिष्ट, कमल रावल, बल बहादुर कुँवर, नन्द चलाउने, प्रेम खत्री र शिद्धादेवी शाहीको नाम सिफारिस गरिएको एमाले जिल्ला सचिव तथा प्रचार विभाग प्रमुख भीम बहादुर रावलले बताउनुभयो ।

यस्तै निर्वाचन क्षेत्र नम्बर २ को (ख) बाट शिव प्रसाद उपाध्याय, चन्द्र बोहरा, भीम रावल कालोटोपी, दिपक अधिकारी, भीम जनला, कृष्ण साउँद, लिलाराज केसी र टोप बहादुर शाहीको नाम सिफारिस गरिएको नेकपा एमाले जिल्ला कमिटी सचिव भीम बहादुर रावलले बताउनु भयो ।

प्रतिनिधि सभाको सदस्यको नाम आज बेलुकासम्म टुङ्गो लगाइने उहाँको भनाइ छ ।

अछामका दलहरू यतिबेला उम्मेदवार सिफारिसमा लागिरहेका छन् । यसअघि एकीकृत समाजवादी, नेपाली कांग्रेस र राप्रपाले उम्मेदवार सिफारिस गरिसकेका छन् ।

क्याटेगोरी : राजनीति, समाचार
ट्याग : #नेकपा एमाले अछाम

---

---

---