नेपाली कांग्रेसको १५औँ महाधिवेशन आजदेखि सुरु: महाधिवेशनस्थल वरपर पार्किङका लागि ८ स्थान तय

काठमाडौँ। नेपाली कांग्रेसको १५औँ महाधिवेशन आइतबारदेखि काठमाडौँको खुलामञ्चमा सुरु हुँदै छ। महाधिवेशनको औपचारिक उद्घाटन दिउँसो २ बजे हुने कांग्रेस प्रवक्ता देवराज चालिसेले जानकारी दिएका छन्।

महाधिवेशनमा सहभागी हुन आउने प्रतिनिधि तथा सर्वसाधारणका सवारीसाधन व्यवस्थित गर्न ८ स्थानमा पार्किङको प्रबन्ध मिलाइएको छ। यातायात व्यवस्थापन समितिका संयोजक तथा केन्द्रीय सदस्य विजयबहादुर स्वाँरका अनुसार निम्न स्थानहरूमा पार्किङको व्यवस्था गरिएको छ:

• शुल्क लाग्ने पार्किङ स्थानहरू:

  • धरहराको अन्डरग्राउन्ड पार्किङ

  • दरबारमार्गस्थित अन्नपूर्ण होटलको पार्किङ स्थल

• निःशुल्क पार्किङ स्थानहरू:

  • बग्गीखानासँगैको साल्ट ट्रेडिङ पार्किङ स्थल

  • पुरानो बसपार्क क्षेत्र

  • भृकुटीमण्डपको बाहिरी एक लेन सडक

  • राष्ट्रिय सभागृह

  • नेपाल प्रज्ञा-प्रतिष्ठान परिसर

  • उपत्यका बाहिरका ठूला बसका लागि: माइतीघर मण्डला र भद्रकालीबीचको सडकको एक भाग (ट्राफिक प्रहरी र जिल्ला प्रहरी परिसर काठमाडौँको समन्वयमा तय गरिएको)

सवारी आवागमनलाई सहज बनाउन कांग्रेसले आफ्ना प्रतिनिधि, नेता तथा कार्यकर्ताहरूलाई तोकिएकै स्थानमा सवारीसाधन पार्किङ गरेर महाधिवेशन स्थलमा आउन आग्रह गरेको छ।

क्याटेगोरी : समाचार
ट्याग : #hot, #निःशुल्क

---

---

---