काठमाडौं । अमेरिका–इजरायल र इरानबीच दुई साताका लागि युद्धविराम घोषणा भएको २४ घण्टा नबित्दै इरानले फेरि होर्मुजको जलडमरू जलमार्ग बन्द गरेको छ ।

समाचार एजेन्सी एपीका अनुसार इजरायली आक्रमणपछि इरानले फेरि होर्मुजको जलडमरू बन्द गरेको हो । लेबनानमा इजरायली आक्रमणका कारण इरानले हर्मुजको जलडमरूम हुँदै तेल ट्याङ्करहरूको बाटो अवरुद्ध गरेको हो ।

इजरायलले बुधबार लेबनानका धेरै स्थानहरूमा हवाई आक्रमण गरेको थियो । लेबनानी नागरिक रक्षा विभागका अनुसार आक्रमणमा २५४ जनाको मृत्यु भएको छ भने १ हजार १६५ जना घाइते भएका छन् ।

यसअघि लडाकू संगठन हिजबुल्लाहले लेबनानलाई युद्धविराममा समावेश नगरे सम्झौता तोडिने चेतावनी दिएको थियो ।

इरानले अमेरिकालाई पठाएको १० बुँदे युद्धविराम सर्तमा हिज्बुल्लाहमाथि आक्रमण रोक्न माग गरिएको थियो ।

क्याटेगोरी : समाचार
ट्याग : #breaking, #इरानले फेरि बन्द गर्‍यो हर्मुजको जलडमरू

---

---

---