चलचित्र पत्रकार दिनेश सिटौलाको निधनबारे गरिएको पोस्टमार्टम जाँचबाट उनको शरीरमा कुनै बाहिरी चोटपटक नरहेको देखिएको छ।

त्रिवि शिक्षण अस्पतालमा सम्पन्न पोस्टमार्टम रिपोर्ट अनुसार उनको मृत्यु मस्तिष्कमा भएको रक्तस्राव (ब्रेन ह्यामरेज) का कारण भएको पुष्टि भएको हो।

सिटौला बालेन साहको चुनावी प्रचार अभियानका क्रममा अछाममा अचानक बेहोस भई ढलेका थिए। उपचारका लागि काठमाडौं ल्याइए पनि स्वास्थ्य अवस्था नसम्हालिएपछि चिकित्सकहरूले उनलाई मृत घोषणा गरेका थिए।

सामाजिक सञ्जालमा फैलिएका विभिन्न शंका र अफवाहबीच पोस्टमार्टम नतिजाले उनको मृत्यु प्राकृतिक स्वास्थ्य समस्याका कारण भएको देखाएको छ।

प्रहरीका अनुसार औपचारिक प्रतिवेदन आउन बाँकी रहे पनि अहिलेसम्म बाह्य चोटपटकको कुनै प्रमाण फेला परेको छैन।

क्याटेगोरी : समाचार
ट्याग : #दिनेश सिटौला

---

---

---