‘जेनजी अलायन्स’का युवाहरू प्रमुख आयुक्तसहित सम्पूर्ण नेतृत्वको राजीनामा माग्दै अख्तियारमा निवेदन लिएर पुगे

साझा पाना २०८२ असोज २१ गते १२:५४ मा प्रकाशित

काठमाडौं । अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईसहितका सबै आयुक्तहरूको राजीनामाको मागसहितको निवेदन लिएर केही युवा टंगाल पुगेका छन् ।

‘जेन-जी मुभमेन्ट अलायन्स’ ले हिजो राईसहित सबै आयुक्तलाई तत्काल राजीनामा दिन भन्दै इमेलबाट दबाबमूलक पत्र पठाएको थियो । उनीहरूले राईको निष्पक्षतामाथि प्रश्न उठाएका छन् ।

अख्तियारमा दलका मान्छे नियुक्त गरिएको र भ्रष्टाचारको निष्पक्ष छानबिन हुनेमा शंका भएको भन्दै नयाँ निष्पक्ष मान्छे ल्याउनुपर्ने उनीहरूले माग गरेका छन् ।

आयोग कार्यालय परिसरमा बिहानैदेखि सुरक्षा व्यवस्था कडा पारिएको छ ।

क्याटेगोरी : समाचार
ट्याग : #hot, #अख्तियारमा निवेदन लिएर पुगे