काठमाडौं, १६ असोज । राष्ट्रिय प्रजातन्त्र पार्टीका सांसद धवल शमशेर जबराले नेपालगञ्जमा मोबाइलको नेटवर्क बन्द गर्न माग गरेका छन् ।

आजको प्रतिनिधिसभा बैठकमा बोल्दै सांसद जबराले साम्प्रादयिक हिंसा भड्किने सम्भावना रहेकाले मोबाइल नेटवर्क बन्द गर्न माग गरेका हुन् ।

‘सभामुख महोदय बाँकेको नेपालगञ्जमा कर्फ्यू लागेको छ । चाहे मधेसमा होस् वा कोशीमा होस् वा नेपालगञ्जमा भएका हिंसाका घटना होस् । हिंसालाई तत्काल नियन्त्रण गर्न सकारको ध्यानाकर्षण गराउँछु’, उनले भने, ‘देशभर हिंसा भड्किनुको मुख्य जड मोबाइल नेटवर्क भएकाले त्यसलाई तत्काल बन्द गर्न आग्रह गर्छु ।’

नेपालगञ्जमा हिन्दु र मुस्लिम समुदायबिच हिंसा भड्किन सक्ने देखिएकाले स्थानीय प्रशासनले कर्फ्यू जारी गरेको छ ।

क्याटेगोरी : समाचार
ट्याग : #hot, #धवल शमशेर जबरा

---

---

---