काठमाडौं। टोखा नगरपालिकाको मेयर प्रकाश अभिकारीको अगुवाईमा टोखामा सार्बजनीक जग्गा नगरपालिका मातहात ल्याउने काम तिव्र रुपमा अगाडी बढेको छ । बिष्णुमती करीडोर , अन्य र्साजनीक पार्क सहित १४०० रोपनी नगरपालिका माताहाल ल्याउन सफल मेयर अधिकारीले बसुन्धरा इसान अस्पताल आसपास रहेको १०।५ रोपनी सार्वजनिक जग्गा संरक्षण गर्ने अभियान देखि सुरु गरेका छन।

नगरपालिकाले माघ २४ गतेसम्मका लागि दिएको अन्तिम सूचना अनुसार घर टहरा र कवाडी हटाउन समय दिएको थियो, तर निर्धारित समयसम्म अतिक्रमण नहटेपछि जग्गा खाली गराउने प्रक्रिया अघि बढाइएको हो।

विभिन्न व्यक्ति र कवाडी व्यवसायीहरूले यो सार्वजनिक जग्गा लामो समयदेखि अवैध रूपमा प्रयोग गर्दै आएका थिए। मेयर प्रकाश अधिकारीको अगुवाईमा नगर प्रहरी, नेपाल प्रहरी, स्थानीय बासिन्दा र जनप्रतिनिधिहरूको सहभागितामा जग्गा खाली गराई चारैतिर तारबार लगाउने काम सुरु गरिएको छ।

सार्वजनिक जग्गामा बनाइएका अस्थायी टहरा र संरचना हटाउन स्थानीय बासिन्दाहरूले पटक–पटक नगरपालिकालाई आग्रह गर्दै आएका थिए।

जग्गा खाली गराउने कार्यमा नगर प्रमुख प्रकाश अधिकारी, उपप्रमुख मुरारी तामाङ, प्रमुख प्रशासकीय अधिकृत शेरबहादुर बिसी, र विभिन्न वडाका जनप्रतिनिधिहरू स्वयं फिल्डमा खटिएका छन्। नगरपालिकाको यो कदमले स्थानीय बासिन्दामा खुशी र सन्तोषको भावना जागृत भएको छ।

यससँगै, ग्रान्डी टावर वरपरको सरकारी जग्गाको संरक्षण कार्य पनि नगरपालिकाको पहलमा सुरु गरिएको छ। त्यस्तै, ३० वर्षदेखि व्यापारीहरूले अतिक्रमण गरी सञ्चालन गर्दै आएको नयाँ बसपार्क क्षेत्र र विष्णुमति खोलासम्म फैलिएका टहरा हटाउने अभियान पनि नगरपालिकाले पहिले नै सुरु गरिसकेको छ।

टोखा नगरपालिकाले आफ्नो क्षेत्रभित्र रहेका अन्य अतिक्रमित सरकारी जग्गाहरूलाई पनि खाली गराई संरक्षण गर्ने कार्यलाई निरन्तरता दिइरहेको छ।

क्याटेगोरी : समाचार
ट्याग : #breaking, #टोखामा १४०० रोपनी अतिक्रमित सार्वजनिक जग्गा संरक्षणमा सफल मेयर प्रकाश अधिकारी

---

---

---