काठमाडौं । तारकेश्वर नगरपालिकाका प्रमुख कृष्णहरि महर्जन र वडा नम्बर ५ का वडाध्यक्ष शम्भुप्रसाद फुँयालबीच फोहोरको उठाउने कम्पनीको वैधानिकतालाई लिएर विवाद भएको छ ।

तारकेश्वरमा फोहोर उठाउने कम्पनीको वैधानिकता खोज्दै वडाध्यक्ष शम्भुप्रसाद फुँयालले फेसबुकमा स्टाटस लेखेपछि लिखित सवाल–जवाफ नै भएको हो । जनताले फोहोरममैलाको नाममा वार्षिक ७ करोड बुझाउने लेखेका थिए । स्थानीय जनताले फोहोरबापत बुझाएको रकम कहाँ जाने यकिन नभएको फुँयालको भनाई थियो ।

सामाजिक सञ्जालमा फुँयालले स्थानीयले फोहोरको रकम ‘कसलाई बुझाउँछन् । थाहा छैन । हिजोको मेयर पनि चुप आजको मेयर पनि चुप’ भनी लेखेपछि नगरप्रमुखले वडाध्यक्षलाई लिखित स्पष्टीकरण सोधेका छन् ।

स्थानीय सरकार सञ्चालन ऐन अनुसार सार्वजनिक शिष्टाचार उल्लंघन गरेको जनाउँदै नगर प्रमुख महर्जनले सत्य तथ्य पेश गर्न तीन दिनको समय दिए ।

७ माघ ९सोमबार ० वडाध्यक्ष फुँयालले नगरमा फोहोर उठाउने प्रक्रियामा वैधानिकताको प्रश्न फेरि उठाउँदै मेयर महर्जनलाई जवाफ दिएका छन् । फोहोर उठाउने कम्पनीले प्रति घर मासिक ३ सयका दरले शुल्क लिएपनि वैधानिकता भने नपाएको वडाध्यक्ष फुँयालको दाबी छ ।

‘कांग्रेसबाट निर्वाचित महर्जन नेता भीमसेन दास नजिक छन् भने वडाध्यक्ष फुँयाल काठमाडौं जिल्ला सभापति सबुज बानियाँ निकट हुन् ।

यस्तै जनप्रतिनिधि र प्रमुख प्रशासकीय अधिकृत जनक राज पन्त बिच विवाद हुँदा नगरपालिकाको दैनिक कार्य ठप्प भएको छ ।

क्याटेगोरी : समाचार
ट्याग : #breaking, #कार्यकारी पनि असन्तुष्ट, #तारकेश्वरमा काग्रेसकै मेयर र वडाध्यक्ष बिच विवाद

---

---

---