गोरखाको चारवटै प्रदेश क्षेत्रबाट गठबन्धनका उम्मेद्वार विजयी

साझापाना २०७९ मंसीर ७ गते १८:३२ मा प्रकाशित

गोरखा । गोरखाका चारै प्रदेश क्षेत्रको निर्वाचन परिणाम सार्वजनिक भएको छ । चारवटै प्रदेश निर्वाचनबाट गठबन्धनका उम्मेद्वार विजयी भएका छन् ।

मुख्य निर्वाचन अधिकृतको कार्यालय अनुसार गोरखा क्षेत्र नं. १ को प्रदेश क्षेत्र १ बाट कृष्ण धिताल, २ बाट नन्दप्रसाद न्यौपाने निर्वाचित भएका छन् ।

त्यस्तै गोरखा २ को प्रदेश क्षेत्र १ बाट फणिन्द्र देवकोटा र २ बाट सुरेन्द्रराज पाण्डे विजयी भएका छन् ।
माओवादी केन्द्रबाट उम्मेद्वार बनेका धितालले १५ हजार चारसय ५६ मतका साथ विजयी भएका हुन् । उनका निकटत्तम प्रतिद्वन्द्वी एमालेका उम्मेदवार सुरेन्द्रबहादुर थापाले नौ हजार आठ सय २२ मत प्राप्त गरेका थिए ।

१६ हजार २६१ मत प्राप्त गरी विजयी बनेका न्यौपाने कांग्रेसका गोरखा जिल्ला सभापति समेत हुन् । उनले नेकपा एमालेका मोहन भट्टराईलाई पराजित गरेका हुन् । भट्टराईले सातहजार ५३३ मत प्राप्त गरेका थिए ।

त्यस्तै गोरखा २ को प्रदेश निर्वाचन क्षेत्र १ बाट निर्वाचित भएका फणिन्द्र देवकोटाले १२ हजार ४११ मत प्राप्त गरेका छन् । उनका निकटत्तम प्रतिद्वन्द्वी एमालेका राजु रानाले पाँच हजार ४१० मत प्राप्त गरेका थिए ।

गोरखा २ को प्रदेश क्षेत्र २ बाट विजयी भएका कांग्रेसका सुरेन्द्रराज पाण्डेले १६ हजार ८८२ मत प्राप्त गरेका थिए । उनका निकटत्तम प्रतिद्वन्द्वी एमालेका वसन्त गुरुङले पाँचहजार ३६० मत प्राप्त गरेका थिए ।

क्याटेगोरी : समाचार
ट्याग : ##गोरखा