काठमाण्डौ । काठमाण्डौ क्षेत्र नम्बर १ को प्रदेशसभा २ मा नेकपा एमाले र राप्रपाबीच चुनाबी तालमेल भएको छ । एमालेका उम्मेदवार गणेश प्रसाद दुलाल र राप्रपाका उम्मेदवार सविना श्रेष्ठबीच तालमेल भएको हो ।

तालमेलको सहमतिअनुसार राप्रपाकी उम्मेदवार श्रेष्ठले आफ्नो उम्मेदवारी निष्क्रिय पारेर एमालेका उम्मेदवार दुलाललाई समर्थन गरेकी हुन् । एमालेको काठमाण्डौ जिल्ला सचिवालय सदस्य एवम् काठमाण्डौ १ को क्षेत्रीय संयोजक धनबहादुर अछामी र राप्रपाका काठमाण्डौ जिल्ला अध्यक्ष श्याम घिमिरले संयुक्त विज्ञप्ति जारी गर्दै तालमेल भएको जानकारी दिएका हुन् ।

विज्ञप्तिमा मंसिर ४ गते हुन गइरहेको निर्वाचनमा काठमाण्डौ क्षेत्र नम्बर १ को २ मा राप्रपाकी उम्मेदवार श्रेष्ठले आफ्नो उम्मेदवारी निष्क्रिय पारेर दुलाललाई समर्थन गरेको उल्लेख गरिएको छ । राप्रपाका नेता तथा कार्यकर्ताले एमालेका उम्मेदवार दुलाललाई मतदान गर्ने र त्यसका लागि वातावरण सृजना गर्ने सहमति भएको छ । साथै दुलालको प्रचारप्रसारमा समेत राप्रपाका कार्यकर्ता सक्रिय हुने भनिएको छ ।

क्याटेगोरी : समाचार
ट्याग : #hot, #काठमाण्डौ १ को प्रदेशसभा २ मा राप्रपाले एमालेलाई सघाउने, #काठमाण्डौ क्षेत्र नम्बर ३ मा एमालेको चुनावी घरदैलो कार्यक्रम तिव्र

---

---

---