कांग्रेस जिरीका नेता श्याम उप्रेतीद्धारा पार्टी परित्याग गरेको घोषणा

साझापाना २०७९ कात्तिक ६ गते १७:१६ मा प्रकाशित

जिरी । नेपाली कांग्रेसका प्रभावशाली नेता श्याम उप्रेतीले सुर्य चिन्हमा मतदान गरेर एमाले उम्मेदवारलाई सहयोग गर्ने बताउनु भएको छन् ।

नेकपा एमाले जिरी नगरकमिटीले आज आयोजना गरेको अगुवा कार्यकर्ता भेलामा नेता उप्रेतीले कांग्रेस परित्यागगरी स्वतन्त्र भएको घोषणा समेत गर्नुभयो । गठबन्धनप्रति असन्तुष्टि जनाउँदै उनले स्वतन्त्र नागरिक भएर बस्ने तर आगामी निर्वाचनमाएमाले उम्मेदवारलाई सहयोग गर्ने बताउनु भएको हो ।

उहाँ जिरी क्षेत्रको निकै प्रभावशाली नेता हुनुहुंछ । आफु अब कांग्रेस छाडेर स्वतन्त्रनागरिक भएपनि एमाले उम्मेदवारलाई जिताउन सूर्य चिन्हमा मतदानका लागि सबैलाई आग्रह गर्ने उहाले बताउनु भयो ।

आफ्नो पार्टीको चुनाव चिन्हमा भोट हाल्न पाउने अधिकारबाट गठबन्धनले मतदातालाई बञ्चित गरेको भन्दै उप्रेतीले एमाले प्रवेश गर्नेसंकेत पनि गर्नुभयो । एमालेले आफ्नो व्यवहार र विचारबाट मन जित्न सके आफु एमाले प्रवेश गर्न तयार रहेको उहाँको भनाई छ ।

क्याटेगोरी : समाचार
ट्याग : #कांग्रेस जिरीका नेता श्याम उप्रेतीद्धारा पार्टी परित्याग गरेको घोषणा, #श्याम उप्रेती