सुशासन र आर्थिक विकासका लागि एमालेको सरकार आवस्यक: वरिष्ठ उपाध्यक्ष पोखरेल

साझापाना २०७९ कात्तिक ४ गते १२:१७ मा प्रकाशित

काठमाण्डौ । नेकपा एमाालको वरिष्ठ उपाध्यक्ष तथा काठमाण्डौ क्षेत्र नम्बर ५ का उम्मेदवार ईश्वर पोखरेलले बलियो र स्थीर सरकार निर्माणका लागि एमालेका उम्मेदवारलाई मतदान गर्नुपर्ने बताएका छन् ।

कमजोर पार्टीले पनि सरकार बनाउन रहर गरेकोप्रति उनले कटाक्ष गरे । “२० वटा सिट ल्याउनेले सरकार बनाउने दाबी गर्छ । त्यसले बनाएर गर्छ के ? एक तिहाई सिट पनि नजित्नेले सरकार बनाउने फुर्ति गर्छन् । यो पत्याउने कुरा हो ?” पोखरेलले प्रश्न गरे ।

राष्ट्रिय हितको रक्षा, सुशासन र आर्थिक विकासका लागि एमालेको सरकारको विकल्प नभएको उनको दाबी छ । एमालेको विचार नै देशका लागि आवश्यक रहेकाले सूर्य चिन्हमा मतदान गर्न उनले आग्रह गरे ।
सत्ता गठबन्धनबाट उम्मेदवार बनेका अधिकांश नेताहरु लक्ष्य र योजनाविहिन भएको पोखरेलको टिप्पणी छ ।

पोखरेलले निर्वाचित भएपछि दुई वटा कामलाई प्राथमिकता दिने बताएका छन् ।
पोखरेलले नीति, योजना र बजेट निर्माणलाई पहिलो काम भनेका छन् भने आफ्नो निर्वाचन क्षेत्रको विकास निर्माणलाई दोस्रो कामको रुपमा स्पष्ट पारेका छन् ।

क्याटेगोरी : समाचार
ट्याग : #ईश्वर पोखरेल