अन्डरग्राउण्ड पार्किङमा रहेका पसलहरू हटाउदै काठमाडौं महानगर

साझा पाना २०७९ भदौ ६ गते १२:५३ मा प्रकाशित

काठमाडौं । काठमाडौं महानगरपालीकाले नक्सापास विपरीत अन्डरग्राउण्ड पार्किङमा सञ्चालित पसलहरू हटाउन थालेको छ । शहरी व्यवस्थापन विभाग भवन निमार्ण इजाजत विभागबाट जमिन तल्ला, वेसमेन्टमा गाडी पार्किङ, गोदाम जस्ता प्रयोजन गर्ने गरी नक्सा स्वीकृत गरिएका भवनहरूले भवनको निर्माण सम्पन्नतापश्चात पसल, क्यानटिन, डिस्कोलगायतमा प्रयोग भइरहेको महानगरले जनाएको छ ।

महानगरले प्रयोजन विपरीतका पसल हटाउन गत साउनको पहिलो हप्ता ३५ दिने सूचना जारी गरेको थियो । सूचना बमोजिम आज बिहान वीरेन्द्र अन्तर्राष्ट्रिय सम्मेलन केन्द्र पश्चिम दिशाबाट पसलहरू हटाउन सुरु गरिएको काठमाडौं महानगरपालिका शहरी व्यवस्थापन विभागका प्रमुख सुरज शाक्यले जानकारी दिनुभयो ।

क्याटेगोरी : समाचार
ट्याग : #काठमाडौं महानगरपालीका