काठमाडौं, कोटेश्वर — काठमाडौंको कोटेश्वरमा बिहीबार बिहान भएको सवारी दुर्घटनामा एक जनाको ज्यान गएको छ भने तीन जना घाइते भएका छन्।

दुर्घटनामा परेर नुवाकोट घर भई हाल ललितपुरको धोबीघाट बस्ने २३ वर्षीया नगिना तामाङको मृत्यु भएको हो। उनी पछाडि सवार मोटरसाइकलमा थिइन्।

प्रहरीका अनुसार २७ वर्षीय पदम थापामगर मोटरसाइकल चालक हुन्। दुर्घटनामा उनीसहित भ्यानका चालक शान्तिनगर निवासी रत्न सार्की र बसकी यात्रु काँडाघारीकी २० वर्षीया मेनुका बुढाथोकी घाइते भएका छन्।

घटनामा बा ३ ख ७०६२ नम्बरको बसले सडकमा रोकिराखेका दुई सवारी — बा प्र ०१-०२६ च २९२७ नम्बरको भ्यान र बा प्र ०२-०५३ प ३८२७ नम्बरको मोटरसाइकललाई बिहान ६:३५ बजे ठक्कर दिएको हो।

बसले रातो बत्ती बलेको अवस्थामा रोकिएको भ्यान र मोटरसाइकललाई पछाडिबाट ठक्कर दिँदा दुर्घटना भएको हो।

घटनापछि इलामको सूर्योदय नगरपालिका–५ का ५९ वर्षीय बस चालक रामकुमार खड्कालाई प्रहरीले नियन्त्रणमा लिएको छ।

क्याटेगोरी : समाचार
ट्याग : #breaking, #कोटेश्वरमा तीन सवारी साधन ठोक्किँदा एकको मृत्यु

---

---

---