स्रोत नखुलेको नगदसहित दुई जना पक्राउ

साझा पाना २०७९ साउन ३१ गते १५:१२ मा प्रकाशित

सर्लाही । बरहथवा नगरपालिका–११ हिरापुर ब्यारेजस्थित सडकबाट स्रोत नखुलेको, सुनको सिक्री र ब्रास्लेटसहित २ जनालाई प्रहरीले पक्राउ गरेको छ ।
स्रोत नखुलेको नगद ३६ लाख रूपैयाँ तथा २३३ ग्राम २८० मिलिग्राम तौल बराबरको सुनको सिक्री १ थान र ब्रास्लेट १ थान सहित उनिहरुलाई प्रहरीले पक्राउ गरेको हो ।

पक्राउ पर्नेहरुमा डोटी शिखर नगरपालिका–७ घर भई हाल काठमाडौं कपन बस्ने ३० वर्षीय हर्क बहादुर कठायत र भक्तपुर चाँगुनारायण नगरपालिका–२ दुवाकोट बस्ने ३१ वर्षीय बिशाल खत्री रहेका छन् ।
नयाँ रोडबाट हिरापुरतर्फ जाँदै गरेको प्रदेश ०२–०३३ प ७७५० नम्बरको मोटरसाइकललाई ईलाका प्रहरी कार्यालय बरहथवाबाट खटिएको प्रहरीले जाँच गर्ने क्रममा मोटरसाइकलमा सवार उनीहरूलाई उक्त नगद तथा सुन सहित फेला पारी पक्राउ गरेको हो ।

क्याटेगोरी : अपराध/सुरक्षा, समाचार
ट्याग : #स्रोत नखुलेको नगदसहित दुई जना पक्राउ