अवैध लागुऔषधसहित चार जना पक्राउ

साझा पाना २०७९ साउन २६ गते १४:४७ मा प्रकाशित

काठमाडौं । झापाको विभिन्न स्थानबाट अवैध लागुऔषधसहित चार जना पक्राउ परेका छन् ।
झापाको भद्रपुर नगरपालिका–३ बाट लागूऔषधसहित ४२ वर्षीय निखिल विश्वास पक्राउ परेका छन् । वडा प्रहरी कार्यालय भद्रपुरबाट खटिएको प्रहरीले भारत घर भएका विश्वासलाई करिब ३ ग्राम ८ सय मिलिग्राम ब्राउनसुगर जस्तो देखिने पदार्थसहित पक्राउ गरेको हो ।

यस्तै, बिर्तामोड नगरपालिका–२ बस्ने ३६ वर्षीय बद्री राजबंशीलाई करिब ३ ग्राम अवैध लागूऔषध ब्राउनसुगर जस्तो देखिने पदार्थसहित पक्राउ परेका छन् । लागूऔषध नियन्त्रण ब्यूरो काँकडभिट्टा र ईलाका प्रहरी कार्यालय अनारमनीबाट खटिएको संयुक्त टोलीले उनको कोठा तलासी गर्दा उक्त पदार्थ फेला पारी उनलाई पक्राउ गरेको हो ।

यसैगरी, दमक नगरपालिका–९ ईटाभट्टास्थित बाटो छेउमा करिब २५ ग्राम अवैध लागूऔषध ब्राउनसुगर जस्तो देखिने पदार्थ र नगद १० हजार रूपैयाँ सहित २ जनालाई पक्राउ परेका छन् । पक्राउ पर्नेहरूमा गौरादह नगरपालिका–१ बस्ने ३३ वर्षीय भिम बहादुर श्रेष्ठ र ३२ वर्षीय मोहन सिलवाल रहेका छन् ।

ईलाका प्रहरी कार्यालय दमकबाट खटिएको प्रहरीले उनीहरूलाई उक्त पदार्थ र नगद सहित फेला पारी पक्राउ गरेको हो । साथै उनीहरूले प्रयोग गरेको को.२९ प २२३४ नम्बरको मोटरसाइकल समेत प्रहरीले बरामद गरेको छ ।

क्याटेगोरी : अपराध/सुरक्षा, समाचार
ट्याग : #अवैध लागुऔषधसहित चार जना पक्राउ