थप ४ हजार ६३६ जनामा कोरोना, ४ को मृत्यु

साझापाना २०७८ माघ १ गते १७:४८ मा प्रकाशित

काठमाडौं, १ माघ । नेपालमा पछिल्लो २४ घण्टामा थप ४ हजार ६३६ जनामा कोरोना भाइरसको संक्रमण पुष्टि भएको छ ।

बितेको २४ घण्टामा देशभर १० हजार १२ जनामा आरटी–पीसीआर गर्दा ३ हजार ७०३ जना र ४ हजार १४४ जनाको एन्टिजेन परीक्षण गर्दा ९३३ जना गरी आज ४६३६ जनामा संक्रमण पुष्टि भएको हो ।

यो सँगै नेपालमा कोरोना भाइरसबाट संक्रमित हुनेको संख्या ९ लाख ५० हजार २४५ जना पुगेको छ ।

नेपालमा पछिल्लो २४ घण्टामा कोरोना भाइरस संक्रमणका कारण ४ जनाको मृत्यु भएको छ ।

यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या ११ हजार ६१७ जना पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३५० जना संक्रमित निको भएका छन् । यो सँगै नेपालमा कोरोना भाइरसबाट संक्रमणमुक्त हुनेको संख्या ८ लाख १६ हजार ३ जना पुगेको छ ।

हाल देशभर सक्रिय संक्रमितको संख्या २१ हजार ५८४ जना छ ।

क्याटेगोरी : समाचार
ट्याग : #कोरोना