चितवन । ईलाका प्रहरी कार्यालय रत्ननगरले गाई प्रजातिको जनावर काट्ने कार्यमा संलग्न रहेको आरोपमा तीन जनालाई पक्राउ गरेको छ । प्रहरी चौकी पदमपुरबाट खटिएको प्रहरीको बिशेष टोलीले हिजो (बुधबार) दिउँसो अन्दाजी साँढे चार बजेको समयमा कालिका नगरपालिका वडा नम्बर १ सुन्दरबस्तीबाट ३ जनालाई पक्राउ गरेको हो ।

पक्राउ पर्नेहरूमा कालिका नगरपालिका वडा नंम्बर १ बस्ने ३२ बर्षिया उर्मिला परियार, सोही ठाउँ बस्ने १६ बर्षिया सविन परियार र सुवास परियार रहेको ईलाका प्रहरी कार्यालय टाँडीले जनाएको छ । प्रहरी कार्यालयले दिएको जानकारी अनुसार महेन्द्र सुवेदीको केराबारी नजिक सुन्दरबस्ती घोलको सुनसान एकान्त खाली जग्गामा गाई प्रजातीको जनावर (चौपाया) काटमार गरी काटिएको गाईको मासु बनाउँदै (भाग लगाउँदै) गरेको अवस्थामा उनीहरुलाइ पक्राउ गरिएको बताइएको छ ।

पक्राउ परेकाहरुमाथि आवश्यक अनुसन्धान गर्ने कार्य भईरहेको प्रहरीले जनाएको छ । उनीहरुविरुद्ध सम्मानित चितवन जिल्ला अदालतवाट म्याद अनुमती लिई ईलाका प्रहरी कार्यालय टाँडीबाट थप अनुसन्धान गर्ने कार्य भईरहेको जनाएको छ ।

थप समाचार

शेरबहादुर देउवालाई यी तीन स्थानमा गरिँदैछ स्वागत

महोत्तरीस्थित बर्दिबासका ५८ विद्यार्थीको शिक्षायात्रामा पदम–शम्सेर खड्का प्रतिष्ठानको साथ

महोत्तरीस्थित टुटेश्वरनाथको पर्यटन विकासमा गौतमको जोड, सभामुख यादवद्वारा मन्दिर अवलोकन

कांग्रेसको केन्द्रीय समिति बैठक आजबाट