चितवन । चितवन प्रहरीले चोरीमा संलग्न दुइ जनालाई पक्राउ गरेको छ । भरतपुर महानगरपालिका वडा नंम्बर १६  नविनचोक र सोही ठाउँको गाविस चोकमा रहेको बिजुलीको पोलमा जडान गरेको प्राईम नेटवर्क प्रा.लि.को अठासी सय पर्ने ४ (चार) थान डिक्स बक्स चोरी गर्ने माडी नगरपालिका २ बस्ने २० बर्षिया कासी चौधरी र २२ बर्षीया श्रीकृष्ण महत्तोलाइ प्रहरीले पक्राउ गरेको हो ।

उनीहरुले गएको बैशाख ३१ गते राती ११ बजेको समयमा डिक्स बक्स चोरी गरेको प्रहरीको प्रारम्भिक अनुसन्धानका क्रममा खुलेपछि जेठ २ गते भरतपुर महानगर ७ बुद्ध चोकबाट प्रहरीले पक्राउ गरेको जनाएको छ ।

स्थानीय रामकुमार चौधरीको घरमा डेरा गरी बस्ने उनीहरुको कोठा खानतलासी गर्दा लुकाई छिपाई राखेको अवस्थामा ४ चार थान डिक्ससमेत प्रहरीले बरामद गरेको थियो । पक्राउ परेकाहरु उपर आवश्यक कार्वाहीका लागी सम्मानित चितवन जिल्ला अदालतबाट म्याद थप गरी अनुसन्धान गर्ने कार्य भईरहेको चितवनका प्रहरी प्रमुख (एसपी) ओम प्रसाद अधिकारीले जानकारी दिए । पक्राउ परेकाहरु यस अघि पनि चोरी कार्यमा संलग्न रहेको समेत प्रारम्भिक अनुसन्धानका क्रममा खुलेको एसपी अधिकारीले जानकारी दिए ।

थप समाचार

प्रधानमन्त्री खोज्दै विपक्षीको विरोध, सभामुखले भने- छिट्टै सदनमा जवाफ दिने…

पत्रकार किशोर श्रेष्ठ जोडिएको घटनाबारे चिनियाँ दूतावासको चासो, गहिरो छानबिन…

उपन्यासकार मल्लद्वारा लिखित उपन्यास “नक्खी” सार्वजनिक

हेराल्ड उत्कृष्ट नतिजासहित गुणस्तरीय शिक्षाको भरोसायोग्य गन्तव्य : विनोद रेग्मी