उपत्यकामा थपिए ४५४ जना संक्रमित

साझापाना २०७७ भदौ १९ गते १८:३३ मा प्रकाशित

काठमाडौँ । काठमाडौँ उपत्यकामा थप ४५४ जनामा कोरोनाभाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले दिएको जानकारी अनुसार पछिल्लो २४ घण्टामा उपत्यकामा उक्त संख्यामा संक्रमित थपिएका हुन् ।

मन्त्रालयका अनुसार काठमाडौँमा ३८६ जना, ललितपुरमा ३२ जना तथा भक्तपुरमा ३६ जनामा संक्रमण पुष्टि भएका छन् ।

विहीबार काठमाडौँमा ३५७ जना, ललितपुरमा ४६ जना तथा भक्तपुरमा ४२ जनामा गरी जम्मा ४४५ जनामा संक्रमण पुष्टि भएको थियो ।

क्याटेगोरी : समाचार
ट्याग : #कोरोनाभाइरस