कोरोना संग मिल्दो लक्षण देखिएका २ पुरुषको मृत्यु

साझापाना २०७७ साउन २५ गते १३:३१ मा प्रकाशित

धनुषामा कोरोनासँग मिल्दोजुल्दो लक्षण देखिएका दुईजनाको मृत्यु भएको छ। मृत्यु हुनेमा एकजना अस्पतालका सुरक्षा गार्ड र अर्का नेपाली कांग्रेसका नेता रहेका हुन।

धनुषाको मिथिला बिहारी नगरपालिका–५ घर भएका ४५ वर्षीय पुरुषलाई एक्कासी ज्वरो, रुघाखोकीका साथै श्वास फेर्न समस्या भएपछि शनिबार राति उपचारका लागि ल्याउने क्रममा मृत्यु भएको धनुषाका प्रमुख जिल्ला अधिकारी प्रेमप्रसाद भट्टराईले जानकारी दिएका छन् ।

उनका अनुसार शवलाई स्वाब संकलनका लागी अस्पतालमै राखिएको छ। त्यस्तै मृत्यु हुने अर्का व्यक्तिमा धनुषाकै शहीद नगरपालिका–८ का ५० वर्षीय पुरुष हुन। उनको श्वास प्रश्वासमा समस्या देखिएपछि उनलाई अस्पतालमा भर्ना गरिएको थियो । अहिले उनको पनि स्वाब संकलनको लागी शव अस्पतालमै राखिएको छ।

क्याटेगोरी : समाचार
ट्याग : #कोरोना