गुजरातमा कोरोनाका बिरामी राखिएको अस्पतालमा आगो लाग्दा ३ महिलासहित ८ जनाको मृत्यु

साझापाना २०७७ साउन २२ गते ११:१२ मा प्रकाशित

भारतमा कोरोनाका बिरामी राखिएको अस्पतालमा आगो लाग्दा ३ महिलासहित ८ जना बिरामीको ज्यान गएको छ ।गुजरातको अहमदाबाद शहरको नवरंगपुर इलाकाको अस्पतालमा आगो लाग्दा ३ महिलासहित ८ जना बिरामीको ज्यान गएको भारतिय संचारमाध्यमले बताएका छन् । राति ३ बजेतिर लागेको आगो एक घण्टामै निभाइए पनि ८ जनाको भने ज्यान गएको खबरमा उल्लेख छ ।

आगो लागेपछि त्यहाँ रहेका ४० जना बिरामीलाई एसपीवी अस्पताल सारिएको छ । उद्धारमा खटिएका सबैजनालाई क्वारेन्टीनमा राखिएको छ । मुख्यमन्त्री विजय रुपाणीले घटनाबारे तत्काल छानविन गर्न निर्देशन दिएका छन् । विद्युत सर्ट भएर आगो लागेको भारतीय सञ्चारमाध्यमले जनाएका छन् ।

यसैबीच भारतीय प्रधानमन्त्री नरेन्द्र मोदीले ट्वीटरमार्फत आगलागीको घटनाप्रति दुस्ख व्यक्त गर्नुभएको छ ।

क्याटेगोरी : समाचार
ट्याग : #आगलागी