भारतका पाँच राज्यमा हालै सम्पन्न विधानसभा निर्वाचनमध्ये विशेषगरी पश्चिम बंगाल र तमिलनाडुको नतिजाले व्यापक ध्यान तानेको छ। केरलामा कंग्रेससहितको गठबन्धन बहुमततर्फ अग्रसर देखिएको छ भने आसाममा भारतीय जनता पार्टी (भाजपा) ले पुनः सरकार बनाउने निश्चितजस्तै भएको छ। पुडुचेरीमा पनि भाजपा नेतृत्वको गठबन्धनले सरकार बनाउने अवस्था देखिएको छ।

यद्यपि यी सबैभन्दा ठूला र राजनीतिक रूपमा महत्त्वपूर्ण राज्य पश्चिम बंगाल र तमिलनाडुका परिणामले भने धेरैलाई चकित पारेका छन्।

यो समाचार तयार पार्दासम्म अन्तिम नतिजा सार्वजनिक भइसकेको छैन। तर दुई वर्षअघि तमिल सुपरस्टार विजय थालापतिले स्थापना गरेको तमिझगा वेत्री कजगम (टिभिके) तमिलनाडुमा सबैभन्दा ठूलो दल बन्ने संकेत देखिएको छ। अर्कोतर्फ, प्रधानमन्त्री नरेन्द्र मोदी नेतृत्वको भाजपाले पश्चिम बंगालमा पहिलो पटक सरकार गठन गर्ने सम्भावना बलियो देखिएको छ।

राज्य र केन्द्रीय दुवै तहमा सरकारको आलोचकका रूपमा चिनिएका विजय तमिलनाडुको मुख्यमन्त्री बन्ने सम्भावना छ। तर अघिल्लो डिएमके सरकार पनि भाजपा विरोधी भएकाले विजयको उदयले भाजपालाई खासै असर नपर्ने अनुमान गरिएको छ।

यसबीच, उत्तर प्रदेश र महाराष्ट्रपछि सबैभन्दा धेरै लोकसभा सिट भएको पश्चिम बंगालमा प्राप्त सफलताले भाजपालाई थप उत्साहित बनाएको छ। यस लेखमा पूर्वी नेपालसँग सीमा जोडिएको बंगालको नतिजामाथि विशेष चर्चा गरिनेछ।

क्याटेगोरी : अन्तर्राष्ट्रिय
ट्याग : #breaking, #पूर्वमा भाजपाको जीत, #भारतीय चुनाव परिणाम: दक्षिणमा नयाँ लहर

---

---

---