योग गुरु रामदेव र आचार्य बालकृष्णविरूद्ध पक्राउ पुर्जी जारी

साझापाना २०८१ माघ ६ गते १८:१९ मा प्रकाशित

काठमाडौं । भारतीय योग गुरु तथा पतञ्जली योग पीठका संस्थापक रामदेव र आचार्य बालकृष्णविरूद्ध पक्राउ पुर्जी जारी भएको छ ।

केरला औषधी नियन्त्रण विभागले रामदेव र आचार्य बालकृष्णविरूद्ध औषधी ऐन आकर्षित गर्दै पक्राउ पुर्जी जारी गरेको भारतीय सञ्चारमाध्यमले जनाएका छन् । अदालतले बाबा रामदेवलाई पेशीको लागि बोलाए पनि उपस्थित नभएका कारण पक्राउ पुर्जी जारी गरेको हो ।

अदालतले यस्तो उल्लङ्घनलाई गम्भीर रूपमा लिएको बताइएको छ । केरला औषधी नियन्त्रण विभागले दायर गरेको यो मुद्दामा औषधी र जादुमय उपचार (अपत्तिजनक विज्ञापन) ऐन, १९५४ उल्लङ्घन गरेको आरोप लगाइएको छ ।

उनीहरूमाथि पतञ्जलीको भ्रामक विज्ञापन गरेको कसुर छ ।

क्याटेगोरी : अन्तर्राष्ट्रिय
ट्याग : #योग गुरु रामदेव र आचार्य बालकृष्णविरूद्ध पक्राउ पुर्जी जारी