बर्दिवास साहित्यको ३२ औँ शृङ्खला सम्पन्न

साझा पाना २०७८ फागुन १० गते १६:५९ मा प्रकाशित

जीवनराज दाहाल (बर्दिवास)

मिति २०७८ साल फागुन ७ गते शनिबारका दिन बर्दिवास साहित्यिक-सास्कृतिक प्रतिष्ठानको ३२ औँ शृङ्खला प्रतिष्ठानका अध्यक्ष रामचन्द्र पौडेल (विपुल विद्रोही) को अध्यक्षतामा सम्पन्न भएको छ । भने सो कार्यक्रम प्रतिष्ठानका उपाध्यक्ष जीवनस्पर्शीले सञ्चालन गरेका थिए ।

यस शृङ्खलामा शुभकामना दिने स्रष्टाहरुमा अखिल नेपाल लेखक सङ्घका केन्द्रीय सल्लाहकार नारायण घिमिरे, मिथिला साहित्य प्रतिष्ठानका सल्लाहकार समितिका संयोजक नानीराम दहाल (बन्चरो), शिशिर घिमिरे स्मृति प्रतिष्ठानका संरक्षक एवम् छन्द चौतारीका अध्यक्ष अग्नि कवच ,रेडियो नेपाल बर्दिवासका मगही भाषाका समाचार वाचक फुलगेन महतो (मगही) र दार्जिलिङका साहित्यकार राकेश शर्माले शृङ्खला सफलताको शुभकामना दिएका थिए ।

उक्त शृङ्खलामा विभिन्न लयका कविता ,गीत ,गजल वाचन गरिएका थिए । साथै आज ७२ औँ प्रजातन्त्र दिवस भएकोले सम्पूर्ण साहित्यिक व्यक्तित्वहरुले प्रजातन्त्रको मूल्य मान्यताको पनि चर्चा परिचर्चा गरिएको थियो ।

शृङ्खलामा उपस्थिति स्रष्टा तथा द्रष्टाहरुमा पुरूषोत्तम वराल, पुष्पा यादव, मनिष महतो, सुदीक्षा श्रेष्ठ, मन्दिप कार्की, कमल घिमिरे, राकेश शर्मा, फुलगेन मगही, नानीराम दहाल (बन्चरो), नारायण घिमिरे, अग्नि कवच ,जीवनस्पर्शी र विपुल विद्रोही आदि थिए ।

कार्यक्रमको अन्त्यमा ३२ औँ शृङ्खला भव्य र सभ्य रुपमा सम्पन्न पार्न सहभागी हुने विद्यार्थी लगायत सम्पूर्ण साहित्य अनुरागी व्यक्तित्वहरुलाई सभाध्यक्ष विपुल विद्रोहीले ७२ औँ प्रजातन्त्र दिवसको शुभकामनाकासाथ हार्दिक धन्यबाद ज्ञापन गर्दै शृङ्खलाको समापन गरेका थिए ।