भूकम्प तथा विपद्पछिको दिगो पुनर्निर्माणबारे बृहत छलफल हुने
भूकम्प तथा विपद्पछिको दिगो पुनर्निर्माणबारे बृहत छलफल हुने काठमाडौं । काठमाडौंको भृकुटीमण्डपमा जारी नवौँ नेपाल जग्गा तथा आवास एवं निर्माण एक्स्पो–२०२६ अन्तर्गत भूकम्प तथा अन्य विपद्पछिको दिगो पुनर्स्थापना र पुनर्निर्माणबारे विज्ञहरूबीच छलफल हुने भएको छ।
‘Public-Private Partnership and Integrated Housing Development for Post-Disaster Sustainable Rehabilitation and Reconstruction’ विषयमा शनिबार, असोज ३ गते (१९ सेप्टेम्बर २०२६) दिउँसो २ बजे कार्यक्रम आयोजना हुँदैछ।
कार्यक्रममा काठमाडौं उपत्यका विकास प्राधिकरणका डेपुटी डेभलपमेन्ट कमिस्नर प्रकाश अर्याल, नेपाल चेम्बर अफ कमर्सका वरिष्ठ उपाध्यक्ष दीपककुमार मल्होत्रा, SONA तथा Architects Association of South Asia का अध्यक्ष आर्किटेक्ट ईश्वरलाल जोशी, काठमाडौं इन्स्टिच्युटका निर्देशक आर्किटेक्ट वीरेश शाह, नेपाल जग्गा तथा आवास विकास संघका अध्यक्ष इन्जिनियर दीपक कुँवर तथा नेपाल जियोटेक्निकल सोसाइटीका अध्यक्ष डा. मन्दिप सुबेदी प्यानलिस्टका रूपमा सहभागी हुनेछन्।
कार्यक्रमको सहजीकरण ख्वप इन्जिनियरिङ कलेजकी आर्किटेक्ट प्रमिला शिल्पकारले गर्नेछिन्।
विपद्पछिको पुनर्निर्माणलाई सुरक्षित, दिगो र व्यवस्थित बनाउन सरकार–निजी क्षेत्रबीच सहकार्य तथा एकीकृत आवास विकास आवश्यक रहेको विषयमा छलफल केन्द्रित हुने आयोजकले जनाएको छ।
ख्वप इन्जिनियरिङ कलेजको सहकार्यमा आयोजना हुने कार्यक्रम नेपाल जग्गा तथा आवास विकास संघ, नेपाल जग्गा तथा आवास विकास महासंघ र नेपाल चेम्बर अफ कमर्सको आयोजनामा भइरहेको एक्स्पोअन्तर्गत सञ्चालन हुनेछ। एक्स्पो असोज ४ गतेसम्म भृकुटीमण्डपमा जारी रहनेछ।
क्याटेगोरी : अर्थ
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा
तपाईको कमेन्ट लेख्नुहोस्