काठमाडौं, पुस २४ गते । साताको चौथो कारोबार दिन आज नेपाल स्टक एक्सचेञ्च (नेप्से) दोहोरो अंकको उछाल आएको छ । आज नेप्से परिसूचक ०.२४ प्रतिशत अर्थात ६.५३ अंकले बढेर २ हजार ६५३.३८ विन्दुमा पुगेको छ ।

यो दिन बलिया र राम्रा कम्पनीको मापक सेन्सेटिभ इन्डेक्स पनि ०.२२ प्रतिशतले बढेर ४५१.५० विन्दुमा पुगेको छ । यो दिन नेप्सेमा सूचीकृत मध्ये ३०५ वटा स्क्रिप्टको १ करोड ५५ लाख २ हजार ७५१ कित्ता सेयर ६ अर्ब ४० करोड ७९ लाख रुपैयाँभन्दा बढीको कारोबार भएको  छ ।

यद्यपी बैंकको मुद्दती निक्षेपमा राख्नेहरु खुलेर सेयर बजारमा आउन नचाहेका कारण बजारले अझै पनि अपेक्षा अनुरुप प्रदर्शन गर्न नसकेको उनले बताए । ‘ कार्यकाल सकिदै गर्दा लगानीकर्ताहरुले गभर्नरलाई जतिसक्दो चाडो बिदाई गर्न चाहेका छन् । विगतमा पनि नयाँ गर्भनर आएपछि केही न केही नीतिगत परिवर्तन भएका कारण लगानीकर्ता नयाँ गभर्नरको व्यग्र प्रतिक्षामा देखिन्छन्’ उनले भने ।

पाठकले बैंक तथा वित्तीय संस्थाको दोस्रो त्रैमासिक प्रतिवेदन आउँदै गर्दा बजार घट्ने सम्भावना भने कमै रहेको दाबी गरे ।

अर्का बजार जानकार सन्ध्या कटुवालको विचारमा पनि बजारमा पुस मसान्तको दबाब सकिदै गरेको र लगानीकर्ताले ब्याजको जोहो गरिसकेको बताइन् । ‘यस कारण बजार सम्हालिने क्रममा रहेको छ । अब बजार घट्नु पर्ने कुनै कारण नभएको र साना–सानो अंकले बजार बढ्नुलाई बजार परिपक्व हुँदै गरेको रुपमा लिन सकिन्छ,’ उनले भनिन् ।

यो दिन नेप्सेमा सूचीकृत १३ वटा समूहमध्ये ६ वटा समूहमा मात्रै हरियाली छायो । फाइनान्स समूह आज सर्वाधिक अर्थात ४.७७ प्रतिशतले बढ्यो । यस्तै विकास बैंक समूह २.५३,हाईड्रो ०.२६,जीवन बीमा ०.४०,उत्पादन तथा प्रशोधन ०.४० र लघुवित्त १.५९ प्रतिशतले बढ्यो ।

आज व्यापार समूह सर्वाधिक अर्थात १.५६ प्रतिशतले घट्यो । बैंकिङ समूह पनि आज ०.२६ प्रतिशत,होटल ०.०६,लगानी ०.३८,म्युचुअल फण्ड ०.१०,निर्जीवन बीमा ०.१३र अन्य ०.२६ प्रतिशतले घट्यो ।

थप समाचार

गाउँघर चौतारी बजार नयाँ बानेश्वर थापागाउँमा दही–चिउरा प्रवर्द्धन कार्यक्रम सम्पन्न

मौद्रिक नीतिलाई लगानीमैत्री बनाउन चेम्बरको सुझाव

चेम्बरका पूर्व अध्यक्ष मालाकार, उपाध्यक्ष श्रेष्ठ र प्रदेश अध्यक्ष पोखरेललाई…

विनियोजित बजेट समयमै खर्च गर्ने संस्कृतिको विकास गर्नुपर्नेमा निवर्तमान अध्यक्ष…