कोरोनाभाइरसको असर रेमिट्यान्समा

साझापाना २०७७ साउन १५ गते १२:०१ मा प्रकाशित

राष्ट्र बैंकले सार्वजनिक गरेको यस आर्थिक वर्षको साउनदेखि वैशाखसम्मको वित्तीय स्थितिअनुसार कोरोनाभाइरसको असरले मुलुकमा भित्रिने रेमिट्यान्समा उल्लेख्य कमी आएको छ। गत वर्षको यस अवधिको तुलनामा रेमिट्यान्समा ६।१ प्रतिशतले कमी आएको हो।

अमेरिकी डलरमा विप्रेषण आप्रवाह ७.४ प्रतिशतले घटेको छ। अघिल्लो वर्ष यस्तो आप्रवाह ९.३ प्रतिशतले बढेको थियो। रेमिट्यान्स मात्रै नभई वैदेशिक रोजगारीमा जानेको संख्यामा पनि उल्लेख्य कमी आएको छ।
अघिल्लो वर्षको सोही अवधिमा यस्तो संख्या ३६.८ प्रतिशतले घटेको थियो। वैदेशिक रोजगारीका लागि पुनः श्रम स्वीकृति लिने नेपालीको संख्या समीक्षा अवधिमा २४. ६ प्रतिशतले घटेको छ।

क्याटेगोरी : अर्थ
ट्याग : #remmitance