नवनिर्वाचित अध्यक्ष पन्त भन्छन् : एनआरएनएकाे चुनाव अब नेपालमा गर्दैनाैं

साझापाना २०७६ कात्तिक १ गते १०:५८ मा प्रकाशित

काठमाडौँ । चरम राजनीतिकरण भएको आरोप लागेपछि गैरआवासीय नेपाली संघ (एनआरएनए) का नवनिर्वाचित अध्यक्ष कुमार पन्तले संस्थाको निर्वाचन अब नेपालमा नगर्ने बताएका छन् ।

एनआरएनए सम्मेलनमा सहभागि सदस्यको अभद्र व्यवहार र भद्रगोल गतिविधिमाथि तिव्र आलोचना भएपछि नवनिर्वाचित अध्यक्ष पन्तले नेपालमा अबदेखि निर्वाचन कार्यक्रम नगर्ने उद्घोष गरेका हुन् ।

उनले संस्थामा अनावश्यक राजनीतिकरण गर्न खोजिएको र होटलका कोठा–कोठामा राजनीतिक दलका नेताहरू ल्याएर छलफल भएकोमा दुःख प्रकट गरे ।

‘अबदेखि काठमाडौंमा निर्वाचन कार्यक्रम गर्दैनौं’, अध्यक्ष पन्तले भने, ‘बरु अनलाइन भोटिङ गर्छौं । प्रतिनिधिले मात्रै नभइ साधारण सदस्यले नै भोट गर्न पाउने व्यवस्था गर्छौं ।’

काठमाडौंमा भएको नवौं सम्मेलनबाट अर्का प्रत्यासी कूल आचार्यलाई १४७ मतले पराजित गर्दै २ वर्षे कार्यकालका लागि पन्त विजयी भएका हुन् ।

क्याटेगोरी : ब्रेकिंग न्युज
ट्याग : #कुमार पन्त