कोरोना भाइरस संक्रमितको संख्या १८ सय नजिक, सोमबार मात्रै २२६ मा पुष्टि

साझापाना २०७७ जेठ १९ गते १७:५२ मा प्रकाशित

काठमाडौं, १९ जेठ । नेपालमा सोमबारसम्म कोरोना भाइरस (कोभिड–१९) संक्रमितको संख्या १ हजार ७ सय ९३ जना पुगेका छन् ।

सोमबार एकै दिन मात्र २२६ जना संक्रमणका नयाँ बिरामीहरु फेला परेका हुन् ।

स्वास्थ्य तथा जनसंख्या मन्त्रालयका प्रवक्ता डा विकास देवकोटाका अनुसार २१३ जना पुरुष र १३ जना महिलामा कोरोना भाइरस संक्रमण पुष्टि भएको हो ।

झापाका २, नवलपरासीका ३, दैलेखका ४१, जुम्लाका १९, सल्यानका १०, सुर्खेतका ५, कपिलवस्तुका ४०, रौतहटका १८, बाँकेका ७, दाङका ९, धनुषाका ७, महोत्तरीका २, मकवानपुरका १, सर्लाहीका ३८, सिरहाका ५, उदयपुरका १, अछामका १, कैलालीका १४, बैतडीका १, डोटीका १, कञ्चनपुरका १ जनामा कोरोना संक्रमण पुष्टि भएको हो ।

जसमध्ये अहिलेसम्म ८ जनाको मृत्यु भएको मन्त्रालयले जनाएको छ ।

क्याटेगोरी : ब्रेकिंग न्युज
ट्याग : #कोरोना भाइरस