काठमाडौं । भेनेजुएलामा लगातार दुईपटक ७.१ म्याग्निच्युड र ७.५ म्याग्निच्युडको शक्तिशाली भूकम्प गएको छ ।

अन्तर्राष्ट्रिय सञ्चारमाध्यमहरुका अनुसार भूकम्पमा हजारौं मानिसको मृत्यु भएको आशंका गरिएको छ ।

राष्ट्रपति डेल्सी रोड्रिगेजले बुधबार राति देशभर राष्ट्रिय आपतकाल घोषणा गरिन् ।

राष्ट्रका नाममा सम्बोधन गर्दै राष्ट्रपति रोड्रिगेजले भूकम्पमा ज्यान गुमाउनेहरूका परिवारप्रति समवेदना व्यक्त गरिन् । उनले मृतकको संख्या भने खुलाएनन् ।

उनले सरकार राहत र उद्धार कार्यमा पूर्ण रूपमा संलग्न रहेको बताइन् ।

उनले डाक्टर र नर्सहरूलाई तुरुन्तै अस्पतालमा उपस्थित हुन र घाइतेहरूको उपचार सुरु गर्न अपील गरिन् ।

यसैबीच, राजधानी काराकासस्थित अन्तर्राष्ट्रिय विमानस्थल अर्को सूचना नभएसम्म बन्द रहने घोषणा गरिएको छ ।

भेनेजुएलामा यो पछिल्लो १२६ वर्षयताकै सबैभन्दा शक्तिशाली भूकम्प हो । यसअघि सन् १९०० मा ७.७ म्याग्निच्युडको भूकम्प गएको थियो ।

क्याटेगोरी : अन्तर्राष्ट्रिय
ट्याग : #hot, #भेनेजुएला भूकम्प

---

---

---