प्रधानमन्त्री ओली र सिके राउत एकै मञ्चमा! कसरी भयो यस्तो मिलन ?

साझापाना २०७५ फागुन २४ गते ०७:२७ मा प्रकाशित

एक मधेस अलग देश भन्दै मधेस टुक्र्याउने अभियान चलाउँदै आएका विखण्डनकारी नेता सि.के राउतलाई साधारणस तारेखमा राख्ने सर्वोच्चको आदेशबाट चकित परेको समुदायलाई शुत्रबारको अर्को एक कार्यक्रमले झन् चकित पार्ने भएको छ । राजधानी काठमाडौंमा शुक्रबार प्रधानमन्त्री केपी शर्मा ओली र राउत एउटै मञ्चमा उपस्थित हुने र सम्वोधन गर्ने कार्यक्रम रहेको छ ।

स्वतन्त्र मधेशको माग गर्दै आएका राउतले राष्ट्रिय राजनीतिसमु आत्मसमर्पण गर्ने र मूलधारको राजनीतिमा आउने बताइएको छ । प्रधानमन्त्री ओलीकै उपस्थितिमा राउतलाई राष्ट्रिय राजनीतिमा प्रवेश गरेको घोषणालाई नियोजित भएको पनि केही नेताहरुले प्रतिक्रिया दिएका छन् । नेकपा नै प्रवेश गर्न लागेको हल्लामा नेकपा स्थायी कमिटिका एक सदस्यले पार्टीमा कुनै सल्लाह नभएको र त्यस्तो नहुनुपर्ने भन्दै रुपान्तरण भएको पुष्ट्याई नभै प्रवेश भएमा त्यो कोही अरुको डिजाइन हुनसक्ने प्रतिक्रिया दिएका छन् ।

देश विखण्डनको माग गर्दै अभियान चलाउँदै आएका राउत पछिल्लो समय केन्द्रीय कारागारमा जेल सजाय भोगिरहेका थिए । राउत बिहीबार मात्र सर्वोच्च अदातलको आदेशमा सामान्य तारेखमा राउत कारागारमुक्त भएका हुन् । रागत नेकपा प्रवेश गर्ने भन्दै नेपाली काँग्रेस निकटका व्यक्तिहरु र केही मिडियामा समसेत समाचार आएको थियो ।

वार्ता समितिसंग राउत निकट स्रोतले भित्रभित्रै वार्ता गरेर सहमति भएको बताइएपनि कसले मिलायो र के सर्त छ ? भन्ने कुरा रहस्यमयी भएको नेकपा भित्रैका एक बताएका छन् ।

क्याटेगोरी : ब्रेकिंग न्युज
ट्याग : #ओली र सिके राउत