काठमाडौं । कांग्रेसको बागमती प्रदेश सभापतिमा भीमसेनदास प्रधानले इन्द्र बानियाँलाई समर्थन गरेका छन् ।

सभापति पदमा इन्द्र बानियाँ, जगदिश्वर नरसिंह केसी र भीमसेनदास प्रधान मध्ये पहिलो चरणमा कसैले पनि बहुमत नल्याएपछि दोस्रो चरणको मतदानमा बानियाँलाई समर्थन गरेका हुन् ।

आइतबार बिहान हेटौंडामा पत्रकार सम्मेलन गर्दै प्रधानले सभापतिमा बानियाँलाई मतदान गर्न आफ्ना समर्थकलाई आग्रह गरे ।‘सम्पूर्ण साथीहरुले उहाँ ९बानियाँ० को पक्षमा मतदान गर्न आग्रह गर्छु । उहाँ संसदीय दलको नेता हुनुहुन्छ । भोलि मुख्यमन्त्री बन्दै हुनुहुन्छ । सबै कुरा उहाँको वरिपरी घुमिरहेको छ,’ उनले भने ।

आइतबार बिहान सार्वजनिक मत परिणाममा बानियाँले ९९२ मत ल्याएका थिए भने सभापतिका अर्का उम्मेदवार केसीले ८७२ मत पाए । तेस्रो भएका प्रधानले १९७ मत ल्याएका हुन् ।

क्याटेगोरी : राजनीति
ट्याग : #भीमसेनदास

---

---

---