रसुवामा मोटर दुर्घटना हुँदा एक जनाको मृत्यु

साझा पाना २०७५ भदौ ३१ गते ०४:१० मा प्रकाशित

मोटर दुर्घटना हुँदा आज यहाँ एक जनाको मृत्यु भएको छ भने पाँच जना घाइते भएका छन् ।

प्रमुख जिल्ला अधिकारी कृष्ण पौडेलका अनुसार चार जना नेपाली र एक जना चिनियाँ नागरिक घाइते भएका हुन् । घाइतेलाई उपचारार्थ जिल्ला अस्पताल धुञ्चे ल्याउँदै गरिएको छ ।

मृत्यु हुने र घाइतेको पहिचान गर्न घटनास्थलमा प्रहरी परिचालन गरिएको र घटनाको विस्तृत विवरण आउन बाँकी रहेको प्रजिअ पौडेलले बताउनुभयो ।

घटना टिमुरेको तातोपानी पारी सर्च ट्याङ्क जाने आयोजनाको सहायक मार्गमा भएको बताइएको छ । माथिबाट ढुङ्गा झरेका दुर्घटना भएको बताइएको छ । ढुङ्गा झरेका कारण त्यस क्षेत्रमा विद्युत्समेत अवरोध भएका जनाइएको छ ।

क्याटेगोरी : विशेष
ट्याग : #रसुवामा मोटर दुर्घटना