तारकेश्वर काठमाडौं । नेपाली कांग्रेस तारकेश्वर वडा नं ३ को ईकाइ अधिवेशनमा बिवाद भएको छ । ईकाइ अधिवेशन गौर कानुनी रुपमा संचालन भएको भन्दै बिरोध भएको छ । नेपाली कांग्रेस क्षेत्र नं ७ का सदस्य भोलानाथ अर्यालका अनुसार अधिवेशन शुरुहुने पूर्व सन्ध्यामै बिधान लत्याइएको छ । ईकाइ सभापतिमा ६ जना उम्मेदवार थिए , उम्मेदवारी दर्ता फारम सम्म नभराई खाली कागजमा नाम टिपेर प्रति उम्मेदवार पाँच हजार रुपैया सम्म मनोमानी रुपले संकलन गरेको अर्यालको भनाई छ । तवकी बिधान अनुसार उम्मेदवारी दर्ता पाँच सय रुपैया रहेको छ र उम्मेदवारी फारममा प्रस्तावक र सर्मथक अनिवार्य हुनुपर्दछ ।

त्यस्तै दिनभर निर्वाचन हुन नसकेको र सर्वसम्मतिको बाहाना गरि निर्वाचन अधिकृत हरिशरण खतिवडाले साँझपख केही समूहरुमात्र मिलाएर एक्लौटी रुपमा बर्तमान तारकेश्वर नगरका सचिव परशुराम अर्याल सहितका पदाधिकारीहरु घोषण गर्नुभएको उनी बताउछन ।

निर्वाचन अधिकृतनै अबैधानिक

वडा नं ३ को ईकाइ अधिवेशनका लागी बरिष्ठ अधिवक्तmा पोषण राज लामिछानेलाई तोकीएको थियो तर सोही स्थानमा हरिशरण खतिवडालाई निर्वाचन अधिकृतका रुपमा जिम्मेवारी दिइएको छ । ने.वी संघ ग्रामीण आर्दश बहुमुखी क्याम्पसका पूर्व सभापति रहेका खतिवडा हाल नुवाकोट पंचकन्या गाउँपालिका वडा नं ५ बाट क्षेत्रीय प्रतिनिधि रहेका छन । नेपाली कांग्रेसको बिधान अनुसार निर्वाचन अधिकृतक कुनै पनि बहालवाल समितिमा रहनुहुदैन ।

निर्वाचन अधिकृत बिरुद मुदा दायर गर्ने

यसै बिच ईकाई सभापतिका प्रत्यासी राजु फँयालले निर्वाचन अधिकृत हरिशरण खतिवडा बिरुद्ध उजुरी गर्ने बताएका छन । वडा नं ३ मा रहेका २०२ जना क्रियाशिल सदस्यहरु मध्य १५० भन्दा बढीको हस्ताक्षर भएको र आजै जिल्ला निर्वाचन कार्यालय ज्ञानेश्वर र केन्द्रिय निर्वाचन कार्यालय सानेपामा उजुरी दर्ता गर्ने फँयालले बताए ।

सोही बिषयमा साझापाना अनलाइनले निर्वाचन अधिकृत हरिशरण खतिवडासंग पटक पटक कुरा गर्ने खोज्दा उहाँले केही कुरा गर्ने चाहानु भएको छैन ।

क्याटेगोरी : राजनीति
ट्याग : #कांग्रेस इकाइ अधिवेशन : निर्वाचन अधिकृत बिरुद मुदा, #तारकेश्वर कांग्रेस इकाइ

---

---

---