चितवनको राप्तीमा युवतीको शव सडेको अवस्थामा फेला, सुजिताको शव हुन सक्ने आशंका, प्रहरीको अनुसन्धान सुरु

प्रनिश थापा चितवन संवाददाता २०७८ असार २० गते २१:०६ मा प्रकाशित

चितवन । चितवनमा एक युवतीको शव फेला परेको छ । केही दिन अघि अपहरणमा परेकी भनिएकी राप्ती नगरपालिका वर्डा नम्बर ३ की २२ बर्षीया सुजिता भण्डारीको शव सडेगलेको अवस्थामा राप्ती नगरपालिका वडा नंम्बर ३ स्थित धमिलीमा रहेको ब्रह्मस्थानी सामुदायिक वनमा फेला परेको हो । उनको शवलाई परिवारले पुष्टि गरेका हुन् ।

मृतकको शव सडेको अवस्थामा

जंगलमा च्याउन टिप्न गएका स्थानीयहरुले शवलाइ देखेपछि प्रहरीलाई खबर गरेका थिए । शव सडेगलेको अवस्थामा फेला परेको बताइएको छ । वनको विचमा एउटा झाङमा अड्किएको अवस्थामा उनको शव फेला परेको थियो । सामुदायिक वनमा शव फेला परेको जानकारी पाएपछि प्रहरीको टोली घट्नास्थलमा गएको थियो ।

मृतक सुजिता भण्डारी

यही असार ११ गते (शुक्रबार) बिहान साथीको घरमा तरकारी किन्न जान्छु भनी गएकी सुजिताले दिउँसो सवा १२ बजे आफ्नी दिदीलाइ फोन गरी केही युवाहरुले आफुलाइ अपहरण गरेको र सौराहा लैजाँदै गरेको भनी खबर गरेपछि परिवारले उनको अपहरण भएको हुन सक्ने आशंका गरेका थिए ।

सुजिताको घरबाट तीन किलोमिटर धमिली र धमिली बाट आधा घन्टा पैदल हिँडेपछि घटनास्थलमा पुगिन्छ । शव घटनास्थलमै रहेको र पोष्टमाटमका लागि भरतपुर अस्पताल ल्याउने तयारी गरिएको छ ।

यता, जिल्ला प्रहरी कार्यालय चितवनले भने राप्तीमा एक जना युवतीको शव फेला परेको भए पनि पहिचान भने भइनसकेको जनाएको छ । सुजिताको खोजीका लागि एक साता अघि प्रहरीको केन्द्रीय अनुसन्धान व्युरोबाट समेत प्रहरीको टोलीलाइ परिचालन गरिएको थियो । यस बिषयमा चितवन प्रहरीले आवश्यक अनुसन्धान सुरु गरिएको जनाएको छ ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय