हत्यामा संलग्न रहेको आरोपमा महिला पक्राउ

प्रनिश थापा चितवन संवाददाता २०७८ जेठ ३ गते ०८:०५ मा प्रकाशित

चितवन । हत्यामा संलग्न रहेको आरोपमा चितवनमा प्रहरीले एक जना महिलालाई पक्राउ गरेको छ । शारीरिक सम्बन्ध राख्ने क्रममा ईच्छाकामना गाउँपालिका ५ मा रहेको तीन नम्वर पुलबाट सोही ठाउँ बस्ने ६५ बर्षका गोपी प्रजालाइ अन्दाजी ५० मिटर तल खोल्सामा फाल्ने अन्दाजी ४५ बर्षीया काईली भन्ने सर्किना चेपाङलाई ईलाका प्रहरी कार्यालय मुग्लिङले पक्राउ गरेको हो ।

गएको बैशाख ३१ गते राती सवा आठ बजे टाउकोमा चोट लागी मृत अबस्थामा फेला परेको गोपीका बिषयमा अनुसन्धान गर्न ईलाका प्रहरी कार्यालय मुग्लिङबाट प्रहरी निरीक्षक सुर्य राना आफैं खटिएका थिए । अनुसन्धानको नेतृत्व गरेका प्रहरी निरीक्षक रानाले घटना शंकास्पद देखिएकोले सुक्ष्मरुपले अनुसन्धान गर्दै जाने क्रममा सर्किना चेपाङलाई ईच्छाकामना गाउँपालिका वडा नंम्बर ५ स्थित घर नजिकैबाट पक्राउ गर्न सफल भएको हो ।

जेठ १ गते पक्राउ परेका चेपाङमाथि अनुसन्धान गर्ने क्रम्मा मृतक गोपी प्रजाले शारीरिक सम्बन्ध राख्ने प्रस्तावमा अस्विकार गर्दा प्रतिकार स्वरुप आफ्नु साथमा रहेको खुर्पाले टाउकोमा प्रहार गरी गम्भीर घाइते बनाइ छोडि गएको भन्ने प्रारम्भिक रुपमा बताए पनि प्रहरीले यस बिषयमा थप अनुसन्धान गरिरहेको जनाएको छ । उनको साथबाट घट्नामा प्रयोग गरिएको फलामले धारिलो घरेलु हतियार खुर्पा समेत प्रहरीले बरामद गरेको छ ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय