काठमाडाैंमा सार्वजनिक सवारी साधन सञ्चालन गर्न दिने सरकारको निर्णय ,भाडादर ५० प्रतिशत बढी

सरकारले काठमाडाैं उपत्यकामा सार्वजनिक सवारी साधन सञ्चालन गर्न दिने निर्णय गरको छ।

सरकारका प्रवक्ता तथा अर्थ, सूचना तथा संञ्चारमन्त्री डा. युवराज खतिवडाले उक्त जानकारी गराएका हुन् । उनले स्वास्थ्य सुरक्षाका मापदण्ड पुरा गरेर सार्वजनिक सवारी साधानहरु चल्न दिइने बताएका छन् ।

असार २३ गते बसेको मन्त्रिपरिषद्को बैठकले स्वास्थ्य सुरक्षाको मापदण्ड पुरा गरेर सार्वजनिक सवारी साधानहरु सञ्चालन गर्न दिने निर्णय गरेको हो ।

भाडादर भने साविकको भन्दा ५० प्रतिशत बढी लिन सकिने मन्त्री खतिवडाले जानकारी गराए ।

यस्तै ट्याक्सीलाई पनि संचालन गर्न दिने निर्णय गरेको छ । ट्याक्सीमा चालक सहित ३ जना र ५ वर्ष मुनिका थप एक जना सम्म यात्रा गर्न सकिनेछ ।

यद्यपी एक जिल्लाबाट अर्को जिल्लामा यात्रा गर्न भने पाउनेछैन् ।