रुपन्देही कांग्रेसका एक नेता अर्कैकी श्रीमतीसँग रंगेहात पक्राउ

साझापाना २०७६ असोज १६ गते ०८:३५ मा प्रकाशित

रुपन्देही कांग्रेसका एक नेता अर्कैकी श्रीमतीसँग रंगेहात पक्राउ परेका छन् । बुटवल उपमहानगरपालिका–१२ बेलबासकी एक स्थानीय महिलासँग मादक पदार्थ सेवन गरिरहेको अवस्थामा कांग्रेस नेता पक्राउ परेका हुन । पक्राउ पर्नेमा नेपाली कांग्रेस रुपन्देही ५ का क्षेत्रीय कोषाध्यक्ष सैनामैना नगरपालिका–१० सालझण्डी निवासी हरी पोखरेल छन् ।

पोखरेल गत प्रदेशसभा निर्वाचनमा नेपाली काँग्रेसको तर्फबाट प्रदेशसभा सदस्यको उम्मेदवारमा दावेदारी प्रस्तुत गरेका थिए । यद्यपि उनलाई कांग्रेसले निर्वाचनमा टिकट भने दिएको थिएन । पक्राउ परेकी महिला नेकपाकी कार्याकर्ता रहेको र केही महिना अघि उनलाई पार्टीले कारबाही गरेको बुझिएको छ ।

बुटवल उपमहानगरपालिका–१२ बेलबासकी एक महिलास।ँग मादक पदार्थ सेवन गर्दै गरेको अवस्थामा उनका श्रीमानले रंगेहात फेला पारी प्रहरीलाई खबर गरेका थिए । ‘मैले प्रहरीलाई खवर गरेको हँु, प्रहरी आएर दुवैलाई लगेको छ,’ ती महिलाका श्रीमानले भने ।

पोखरेल र ती महिला कोठामा मादक पदार्थ सेवन गर्दै अश्लील चलचित्र हेर्दै गरेको अवस्थामा प्रहरी लिएर महिलाका श्रीमान् कोठामा पुगेका थिए । प्रहरीले कोठाबाटै नियन्त्रणमा लिएको उनीहरुलाई महिलाका श्रीमानले दिएको उजुरी पछि इलाका प्रहरी कार्यालय बुटवलमा राखिएको छ । समाचार, फोटो शिलापत्र अनलाईनबाट साभार गरीएको हो ।

क्याटेगोरी : विशेष
ट्याग : #अर्कैकी श्रीमतीसँग रंगेहात पक्राउ