प्रधानमन्त्री केपी शर्मा ओलीले सरकारको कामलाई चुस्त, प्रभावकारी र गतीशील बनाउन नियुक्तिका केही प्रभाविला निर्णय गर्नुभएको छ । मन्त्रीपरिषद्ले भारतको राजदुतमा पूर्वमन्त्री निलाम्बर आचार्यलाई नियुक्त गर्नुभएको छ । प्रधानमन्त्री ओलीले आफ्नो प्रमुख स्वकीय सचिवमा लामो समयदेखि आफ्ना प्रमुख सहयोगीको रुपमा रहेका इन्द्र भण्डारीलाई नै प्रमुख स्वकीय सचिवमा नियुक्ति गर्नुभएको छ । यस्तै प्रमुख विदेश मामिला सल्लाहकारमा राजन भट्टराईलाई नियुक्त गर्नुभएको छ ।

यस्तै राष्ट्रिय खेलकुद परिषदको सदस्यमा पिताम्बर तिम्सिना र इन्दिरा निरौलालाई नियुक्त गर्नुभएको छ । तिमल्सिना यसअघि राखेपका उपाध्यक्ष हुनुहुन्थ्यो । सरकारका निर्णयहरु तत्काल सार्वजनिक नगर्ने निर्णय भएको पनि प्रवक्ता गोकुल बाँस्कोटाले जानकारी गराउनुभएको
छ ।

हिजो राती अवेरसम्म बसेको मन्त्रिपरिषद बैठकले डा भट्टराईलाई परराष्ट्र सल्लाहकार नियुक्त गरेको हो । भट्टराई माधवकुमार नेपाल प्रधानमन्त्री हुँदा पनि विदेश मामिला सल्लाहकार हुनुहुन्थ्यो । पूर्वसांसद भट्रराई नेपाल भारत प्रवुद्ध समूह (ईपीजी) का सदस्यको जिम्मेवारी पनि सफलतापुर्वक सम्पन्न गर्नुभएको थियो । यसैगरी मन्त्रिपरिषद बैठकले नागरिक लगानी कोषको प्रमुख कार्यकारी अधिकृतमा रमन नेपाललाई नियुक्त गरेको छ । नेपाल राष्ट्र बैंकका अवकाश प्राप्त नेपाल कुसल ब्यवस्थापक हुनुहुन्छ ।

क्याटेगोरी : विशेष
ट्याग : #ओली सरकार

---

---

---