काठमाडौँ । नेपाल कम्युनिष्ठ पार्टी(एमाले) म्याग्दे गाँउपालिका सभादलको नेतामा श्रीप्रसाद श्रेष्ठ चयन भएका छन् ।

निर्वाचित जनप्रतिनिधिमध्ये जेष्ठ सदस्य टुकराज अधिकारीको अध्यक्षतामा सम्पन्न भएको पालिका सभादलबाट श्रेष्ठ दलको नेतामा चयन भएका हुन् । कार्यक्रमको प्रमुख अतिथीमा नेपाल कम्युनिष्ट पार्टी एमाले का केन्द्रिय सल्लाहकार सदस्य एकबहादुर राना रहेका थिए ।

यसैगरि निर्वाचित जनप्रतिनिधिको सभाबाट उपनेतामा टुकराज अधिकारी, प्रमुख सचेतकमा मणिभद्र वाग्ले, सचेतकमा सुनिता नेपाली, सचिवमा वसन्तकुमार श्रेष्ठ चयन भएका छन् । म्याग्दे गाँउपालिकामा नेकपा एमालेको तर्फबाट १५ जना जनप्रतिनिधिको प्रतिनिधित्व रहेको छ ।

भेलालाई सम्वोधन गर्दै प्रमुख अतिथि एकबहादुर रानाले जनमुखी काम गर्न निर्देशन दिएका थिए । जनताको सेवा प्रवाह र विकास निर्माणमा नेकपा एमालेको जनप्रतिनिधिले अगुवाई गर्नुपर्दछ ।

चुनावमा गरेको वाचालाई आत्मसात गरेर नै जनताको सेवामा लाग्नलाई समेत उनले आग्रह गरे र साथै पालिका भित्र नमुना वडाको अवधारणा ल्याएर त्यसको सफल कार्यन्वयनमा लाग्न समेत आग्रह गरे ।

नेकपा एमाले तनहुँका अध्यक्ष एवं म्याग्दे गाँउपालिकाका श्रेष्ठले जनताको विश्वास नगुम्ने गरि कामगर्ने प्रतिवद्धता व्यक्त गरे । हाम्रो उद्देश्य समृद्ध म्याग्दे गाँउपालिका निर्माण गर्नु हो ।

यसका लागि जनताको साथ सर्मथन लिएर नमुना गाउँपालिका बनाउने आफनो सपना रहेको वताए । भष्टाचार मुक्त र सुशासनयुक्त शासन प्रणाली आफनो अभिष्ट भएको हुँदा अविचलित रुपमा जनताको काम गर्ने अध्यक्ष श्रेष्ठले बताए ।

जुनविश्वासका साथ जनताले आफूलाई निर्वाचित गरेका छन् त्यो विश्वास गुम्न नदिने उनले बताए ।

क्याटेगोरी : राजनीति, समाचार
ट्याग : #hot, #नेपाल कम्युनिष्ठ पार्टी एमाले, #श्रीप्रसाद श्रेष्ठ

---

---

---